Məktəbəqədər təhsil müəssisələrinə qəbulu təsdiqlənən uşaqların sayı açıqlandı

İndiyədək ölkə üzrə məktəbəqədər təhsil müəssisələrinə uşaqların qeydiyyatı prosesi ilə bağlı 32 371 nəfərin sorğusu təsdiqlənib, 4 104 nəfər uşağın sorğusu isə təsdiq gözləyir.

Avtosfer.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Qeyd edək ki, 2025-26-cı tədris ili üzrə məktəbəqədər təhsil müəssisələrinə uşaqların qeydiyyatı prosesinə iyulun 18-də start verilib. 2025-26-cı tədris ilində ölkə üzrə 1 669 məktəbəqədər təhsil müəssisələrinə qəbul üçün proqnozlaşdırılan uşaq sayı 58 500 nəfərdir. Artıq uşaqların 70 faizi məktəbəqədər təhsil müəssisələrinə yerləşib.