Mərkəzi Bank “Bakı Kart”ı cərimələdi

Azərbaycan Mərkəzi Bankı (AMB) “K Group” MMC-ni cərimələyib.

Avtosfer.az xəbər verir ki, bununla bağlı AMB məlumat yayıb.

Bildirilib ki, buna səbəb “Ödəniş xidmətləri və ödəniş sistemləri haqqında” qanunun 7.3-cü maddəsinin tələbinin (Pul vəsaitlərinin təhlükəsizliyinin təmin olunması) pozulmasıdır.

Nəticədə “K Group”un vəzifəli şəxsi İnzibati Xətalar Məcəlləsinin 439-2.2.-ci maddəsinə müvafiq olaraq 2 000 manat cərimə olunub.