Metro və avtobuslara online bilet alanların NƏZƏRİNƏ

"m10" elektron pulqabının "BakıKart bileti" bölməsindəki problem aradan qaldırılıb. Vətəndaşlar rahatlıqla tətbiqdən istifadə edə bilərlər".

Bunu açıqlamasında elektron pulqabının məxsus olduğu "PashaPay" şirkətinin PR meneceri Aygün Əliyeva bildirib.

Qeyd edək ki, "m10" elektron pulqabının "BakıKart bileti" bölməsində problem yaranıb. Bu barədə redaksiyamıza vətəndaşlar müraciət ediblər. Onlar tətbiq üzərindən bilet almaqda çətinlik yaşadıqlarını bildiriblər.

Məsələ ilə bağlı cavab olaraq, pulqabının məxsus olduğu "PashaPay" şirkətinin PR meneceri Aygün Əliyeva bildirmişdi ki, sözügedən müvəqqəti çətinlik mövcuddur və həlli istiqamətində addım atılır: "Təkmilləşdirmə işləri aparılır, çox tezliklə çətinlik aradan qaldırılacaq. Ümumən az insanda bu problem müşahidə edilib".
 

(oxu.az)