Müdafiə Nazirliyinin rəhbər heyəti Anım Günündə İkinci Şəhidlər xiyabanını ziyarət etdi - YENİLƏNİB

27 Sentyabr - Anım Günü ilə əlaqədar müdafiə naziri Zakir Həsənov və nazirliyin kollektivi İkinci Şəhidlər xiyabanını ziyarət edib.

Avtosfer.az xəbər verir ki, müstəqilliyimiz, ərazi bütövlüyümüz və suverenliyimiz uğrunda canlarından keçən şəhidlərimizin əziz xatirəsi dərin hörmət və minnətdarlıqla yad olunub, məzarları üzərinə gül dəstələri qoyulub.

***

27 Sentyabr - Anım Günü ilə əlaqədar Daxili İşlər Nazirliyinin kollektivi İkinci Şəhidlər xiyabanını ziyarət edib.

Oxu.Az xəbər verir ki, DİN-in rəhbər heyəti Azərbaycanın müstəqilliyi və ərazi bütövlüyünün təmin olunması uğrunda şəhid olanların məzarlarını ziyarət edərək üzərlərinə gül dəstələri düzüblər.

***

Gənclər və İdman Nazirliyinin kollektivi İkinci Şəhidlər Xiyabanını ziyarət edib.

Avtosfer.az xəbər verir ki, 27 Sentyabr - Anım Günü ilə əlaqədar gənclər və idman naziri Fərid Qayıbov və nazirliyin kollektivi Şəhidlər xiyabanını ziyarət ediblər.

Müstəqilliyimiz, ərazi bütövlüyümüz və suverenliyimiz uğrunda canlarından keçən şəhidlərimizin əziz xatirəsi dərin hörmət və minnətdarlıqla yad olunub, məzarları üzərinə gül dəstələri qoyulub.