Nazir: "Bakıda ITU Regional Sürətləndirmə Mərkəzinin açılması nəzərdə tutulur"

"Konfrans çərçivəsində Bakıda ITU Regional Sürətləndirmə Mərkəzinin açılması nəzərdə tutulur".

Avtosfer.az oxu.az-a istinadən xəbər verir ki, bunu Azərbaycanın rəqəmsal inkişaf və nəqliyyat naziri Rəşad Nəbiyev Ümumdünya Telekommunikasiya İnkişafı Konfransının açılış mərasimində deyib.

O bildirib ki, ITU-nun qlobal innovasiya şəbəkəsinin bir hissəsi olan bu mərkəz regionda innovasiya və sahibkarlıq üçün aparıcı platforma rolunu oynayacaq:

"Əminəm ki, konfrans zamanı aparılacaq müzakirələr, qəbul ediləcək qərarlar və qurulacaq tərəfdaşlıqlar inklüziv, təhlükəsiz və davamlı gələcəyin qurulmasına töhfə verəcək və milyonlarla insanın həyatında real təsir yaradacaq" .