Nazirlik 12 ədəd maşın alır - 454 min ödəyəcək

Azərbaycan Müdafiə Sənayesi Nazirliyi keçirdiyi tenderin nəticəsini açıqlayıb. Avtosfer.az xəbər verir ki, nazirlik minik avtomobillərinin alınmasını həyata keçirəcək.

Açıq mənbələrdə qeyd edilir ki, tenderin qalibi “AUTO AZƏRBAYCAN” MMC olub. Nazirlik 12 ədəd avtomobili almaq üçün MMC-yə 454 min 800 manat ödəyəcək.

Məlumatda deyilir ki, avtomobillərin hamısı sedan tipli olacaq. Onların istehsal ili isə minimum 2024-cü il olmalıdır.

Qeyd edək ki, ilin sonuna doğru dövlət qurumlarının avtomobil alması hallarında artış var. Bundan öncə, İpoteka və Kredit Zəmanəti Fondu da hər biri 160 min manat olan 4 avtomobil, Minatəmizləmə Agentliyi isə bir həftə içində 60 ədəd pikap tipli maşınlar alıblar.