Nəqliyyat dəhlizlərində daşınmış yüklərin həcmi 450 min tondan çox artıb

Ötən il nəqliyyat dəhlizlərində daşınmış yüklərin həcmi 33 milyon 258 min ton olub.

Avtosfer.az bu barədə Dövlət Statistika Komitəsindən məlumat əldə edib.

Məlumata görə, bu göstərici əvvəlki ilin eyni dövrü ilə müqayisədə 1,4% və ya 459 min ton çoxdur. Belə ki, 2023-cü ildə nəqliyyat dəhlizlərində daşınmış yüklərin həcmi 32 milyon 799,2 min ton idi.

Qeyd edək ki, ötən il Şərq-Qərb nəqliyyat dəhlizi ilə daşınmış yüklərin həcmi 16 milyon 982,4 min ton, o cümlədən Avropa-Qafqaz-Asiya nəqliyyat dəhlizi ilə 8 milyon 322,3 min ton, Şimal-Cənub nəqliyyat dəhlizi ilə 9 milyon 896,5 min ton, Şimal-Qərb nəqliyyat dəhlizi ilə 5 milyon 984,9 min ton, Cənub-Qərb nəqliyyat dəhlizi ilə daşınmış yüklərin həcmi isə 394,2 min ton təşkil edib. Yüklərin 15 milyon 277,6 min tonu və ya 46,0 faizi dəmir yolu nəqliyyatı, 10090,0 min tonu və ya 30,3 faizi avtomobil nəqliyyatı, 7890,4 min tonu və ya 23,7 faizi dəniz nəqliyyatı ilə daşınıb.

Nəqliyyat dəhlizləri vasitəsilə daşınmış yüklərin 56,6 faizini və ya 18840,1 min tonunu tranzit yüklər təşkil edib.