Növbəti köç karvanı Ağalı kəndinə çatıb, açarlar sakinlərə təqdim olundu - FOTO - YENİLƏNİB

Növbəti köç karvanı Zəngilan rayonunun Ağalı kəndinə çatıb, açarlar sakinlərə təqdim olunub.

Avtosfer.az "Report"a istinadən xəbər verir ki, açarların təqdim olunması mərasimində Qaçqınların və Məcburi Köçkünlərin İşləri üzrə Dövlət Komitəsinin, Cəbrayıl, Qubadlı və Zəngilan rayonlarında Prezidentinin xüsusi nümayəndəliyini təmsil edən şəxslər iştirak ediblər.

***14:06

Zəngilanın Ağalı kəndinə yola salınan köç karvanı yaşayış məntəqəsinə çatıb.

Avtosfer.az "Report"a istinadən xəbər verir ki, sakinlərin qarşılanma mərasimi keçirilib.

***09:12

Prezident İlham Əliyevin tapşırığına uyğun olaraq, işğaldan azad edilmiş ərazilərə böyük qayıdış davam etdirilir. 

Avtosfer.az xəbər verir ki, Zəngilan rayonunun Ağalı kəndinə 41 ailə - 110 nəfər köçürülüb.

Ağalı kəndinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.