On üç min kilometrlik yol tikilir

“Qazaxıstanın Avrasiya materikində tranzit mərkəzinə çevrilmək potensialı var”. Avtosfer.az "Teleqraf"a istinadən xəbər verir ki, bunu Qazaxıstan Prezidenti Kasım-Jomart Tokayev deyib.

“Qazaxıstan Şərqlə Qərb arasında qızıl körpüdür, bu fürsətdən səmərəli istifadə etməliyik. Bu il 13 min kilometrlik avtomobil yolu tikilir və təmir olunur. Hava nəqliyyatının inkişafına da xüsusi diqqət yetirilir. Dünyanın böyük şəhərləri ilə birbaşa əlaqələr qurulur, 36 yeni hava yolu açılıb. Beləliklə, Qazaxıstanın Avrasiya qitəsində tranzit mərkəzinə çevrilməsi olduqca mümkündür. Bu, strateji əhəmiyyətli bir məqsəddir. Həmçinin, internet ölkə vətəndaşlarının 90 faizi üçün əlçatan olub. Qazaxıstan Mərkəzi Asiyada “Starlink” şəbəkəsinə malik ilk ölkədir. Ölkəmiz tikinti sektorunda böyük uğurlar qazanıb”, - o bildirib.