Onlar da təltif edildi - Sərəncam

Prezident İlham Əliyev idmançıların və idman mütəxəssislərinin təltif edilməsi haqqında Sərəncam imzalayıb.

Avtosfer.az xəbər verir ki, dövlət başçısının imzaladığı sənədə əsasən tanınmış mütəxəssis, Azərbaycanın qadınlardan ibarət voleybol milli komandasının baş məşqçisi Faiq Qarayev Azərbaycan Prezidentinin fərdi təqaüdünə layiq görülüb. 

Həmçinin Azərbaycan Boks yığmasının böyük məşqçisi Nəriman Abdullayev də mükafatlandırılıb. O, “Əməkdar bədən tərbiyəsi və idman xadimi” fəxri adı ilə təltif edilib. 

Bundan başqa, güləş üzrə qadınlardan ibarət Azərbaycan yığmasının böyük məşqçisi Rövşən Umudov da “Əməkdar bədən tərbiyəsi və idman xadimi” fəxri adına layiq görülüb.