Paytaxtda nəzarətsiz qalan yol: Keçənlər təngə gəlirlər - VİDEO

Baku TV-nin "Necə olmalıdır?" rubrikasının yeni buraxılışı yayımlanıb.

Bu dəfə paytaxtın Həsən Əliyev küçəsinin Tbilisi prospektinə yaxın hissəsində sürücüləri narahat edən xaotik vəziyyətdən danışılıb.

Bildirilib ki, Həsən Əliyev küçəsinin Azər Əliyev küçəsi ilə kəsişməsində avtomobillər istədikləri kimi hərəkət edirlər. Çünki hərəkətin istiqamətini müəyyən edəcək nə məcburedici, nə də məlumatverici yol nişanı var.

"Yerdə pozulan üfüqi nişanlanma xətləri, yarı silinmiş halda iki "Stop" xətti, sağda olmalı halda solda yerləşdirilən işıqfor. Bunların hər birini sözügedən kəsişmədə görmək mümkündür", - deyə əlavə olunub.

Qeyd olunub ki, ərazidə köhnə xətlənmənin yenilənməsinə, həmçinin müvafiq yol nişanlarına ehtiyac var.

Mövzu ilə bağlı daha ətraflı videomaterialı təqdim edirik: