Pentaqon: "ABŞ gəmisinin Oman körfəzindən çıxarılması ilə bağlı iddialar yalandır"

ABŞ Müdafiə Nazirliyi İranın "ABŞ gəmisi xəbərdarlıqdan sonra geri çəkildiyi" barədə yaydığı məlumatı təkzib edib.

Avtosfer.az xəbər verir ki, bu barədə "Azad İran" "Telegram" kanalı məlumat yayıb.

Rəsmi açıqlamaya görə, "USS Fitzgerald" esminesi beynəlxalq sularda missiya yerinə yetirərkən İranın "Sea King" helikopteri ilə qarşılaşıb.

ABŞ rəsmisi bildirib ki, hadisə gəminin fəaliyyətinə heç bir təsir göstərməyib və İran tərəfindən yayılan məlumatlar həqiqəti əks etdirmir:

"Bu iddialar İslam İnqilabı Keşikçiləri Korpusunun yanlış məlumat yaymaq səylərinin bir hissəsidir".

Xatırladaq ki, dünən İran mediası bildirib ki, SEPAH ABŞ gəmisinə İran sularına yaxınlaşmamaq barədə xəbərdarlıq edəndən sonra ABŞ esminesi İranın nəzarətində olan suları tərk edib.