Polis Qaradağ və Nərimanovda 6 kq-dan artıq narkotik vasitə aşkarladı

Polis əməkdaşları tərəfindən narkotik vasitələrin qanunsuz dövriyyəsinə qarşı mübarizə davam etdirilir. 

Avtosfer.az xəbər verir ki, daxil olan əməliyyat məlumatı əsasında Qaradağ rayonu ərazisində keçirilən tədbirlər nəticəsində 33 yaşlı E.Hüseynov və əvvəllər məhkum olunmuş 32 yaşlı O.Kazımov saxlanılıblar. E.Hüseynovun idarə etdiyi “Toyota” markalı avtomobildən 5 kiloqrama yaxın narkotik vasitə tiryək aşkarlanıb.

Bundan başqa, Nərimanov rayonu ərazisində narkotiklərin qanunsuz dövriyyəsində şübhəli bilinən, axtarışda olan 44 yaşlı B.Paşayev də saxlanılıb. Ondan 1 kiloqramdan artıq müxtəlif adda narkotik vasitə və 690 psixotrop tərkibli həb aşkarlanıb.

Araşdırma aparılır.