"Port Baku" ərazisində top mərmisi tapıldı - FOTO

Bakı şəhəri Nəsimi rayonu "Port Baku" ərazisində aparılan tikinti işləri zamanı hərbi sursat aşkar edilib.

Avtosfer.az xəbər verir ki, bununla bağlı Azərbaycanın Minatəmizləmə Agentliyi (ANAMA) məlumat yayıb. 

Qeyd edilib ki, ANAMA, Fövqəladə Hallar Nazirliyi və Daxili İşlər Nazirliyinin müvafiq əməliyyat heyəti hadisə yerinə cəlb edilərək, əraziyə baxış keçirib. Baxış zamanı təxminən 1930-40-cı illərdə istehsal olunan 1 ədəd 76 mm-lik, F-354 modeli olan yüksək partladıcılı qəlpəli top mərmisi aşkar edilib.

Aşkar edilən top mərmisi zərərsizləşdirilməsi üçün müvafiq əraziyə daşınılaraq, partlayış yolu ilə məhv edilib.

Hadisə yerində və ona yaxın ətraf ərazidə əlavə təmizləmə işləri aparılıb, hər hansı təhlükəli əşya aşkar edilməyib.