Prezident İlham Əliyev "ŞƏT plyus" formatında görüşdə iştirak edir - YENİLƏNİB

Qırğız Respublikasının paytaxtı Bişkek şəhərində "ŞƏT plyus" formatında görüş keçirilir.

Avtosfer.az AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev görüşdə iştirak etmək üçün Bişkekdəki "Irıs Ordo" Konqres Mərkəzinə gedib.

Qırğız Respublikasının Prezidenti Sadır Japarov Prezident İlham Əliyevi, digər dövlət və hökumət başçılarını salamlayıb.

Sonra "ŞƏT plyus" formatında keçirilən görüşün iştirakçıları birgə foto çəkdiriblər.

***10:06

Xəbər verdiyimiz kimi, Azərbaycan Prezidenti İlham Əliyev Şanxay Əməkdaşlıq Təşkilatının (ŞƏT) tədbirlərində iştirak etmək üçün ötən gün Qırğızıstana işgüzar səfər edib.

Avtosfer.az-ın “Report”a istinadən məlumatına görə, Prezident İlham Əliyevin Qırğızıstanın Bişkek şəhərində Şanxay Əməkdaşlıq Təşkilatı (ŞƏT) “plyus” formatında görüşdə çıxışı gözlənilir.