"Qara qutular maraqlı məlumatlar verib" - Lavrov təyyarə qəzasından danışdı

Aktau şəhəri yaxınlığında qəzaya uğrayan “Azərbaycan Hava Yolları” QSC-nin (AZAL) təyyarəsinin qara qutularının dekodlanması mediada verilən bəzi ilkin qənaətləri təsdiqləmir. 

Avtosfer.az xəbər verir ki, bunu Rusiyanın xarici işlər naziri Sergey Lavrov deyib. 

"İstintaq çərçivəsində Braziliyada xüsusi iclas keçirildi, biz qara qutuları açdıq, onların məzmunu artıq çoxlu maraqlı məlumatlar təqdim edib. Onların məzmunu bizi bir daha əmin edir ki, tam hüquqlu araşdırmanı gözləmək lazımdır. Səs yazıcılarından alınan stenoqram məlumatları araşdırmanın yekun nəticələrini gözləməyin zəruriliyini göstərir. İndi qara qutulardakı məlumatlarla təsdiqlənməyən məlumatlardan istifadə edərək media məkanında atmosferi gərginləşdirməyə ehtiyac yoxdur".

O, həmçinin qeyd edib ki, Rusiya Federasiyası Azərbaycan tərəfi ilə əlaqələrin inkişafını yüksək qiymətləndirir. Nazirin sözlərinə görə, Moskva və Bakı istənilən məsələləri, o cümlədən təyyarə qəzası məsələsini həll edə bilər.

(unikal)