Qaradağda oğurluqda şübhəli bilinən 2 şəxs saxlanıldı

Qaradağ rayonu ərazisində yerləşən ticarət mərkəzlərinin birində iki mağazanın qarşısından oğurluq edilməsi və nəticədə zərərçəkənlərə ümumilikdə 2 500 manata yaxın maddi ziyan vurulması barədə polisə məlumat daxil olub.

Avtosfer.az xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, Qaradağ Rayon Polis İdarəsinin 10-cu Polis Şöbəsi əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 49 yaşlı V.Novruzov və 43 yaşlı A.Mustafayev müəyyən olunaraq saxlanılıblar.

Faktlarla bağlı araşdırmalar aparılır.