Qazaxıstanla Çin arasında dəmir yolu daşımalarının həcmi artıb

Martın 3-də Qazaxıstan və Çin sərhədində yerləşən Altınkol-Xorqos sərhəd keçid məntəqəsindən qatarların çatdırılması üzrə tarixi rekord qeydə alınıb.

Avtosfer.az “Qazaxıstan Dəmir Yolu” SC-nin mətbuat xidmətinə istinadla xəbər verir ki, bu nailiyyət iki ölkənin dəmir yolu administrasiyalarının rəhbərləri arasında əldə olunan razılaşmalar sayəsində qazanılıb.

Saziş Qazaxıstan müəssisələrinin taxıl yükləri (qarışıq yem, un, dəyirman məhsulları), filiz yükləri, qara və əlvan metallar daxil olmaqla ixraca olan tələbatını ödəyəcək.

Qeyd olunur ki, bu ilin ilk iki ayında Çinə qatarların çatdırılmasının həcmi 18 faiz artaraq 3,4 milyon tona çatıb. O cümlədən, Dostıq-Alaşankou sərhəd keçid məntəqəsi ilə daşımaların həcmi 10 faiz artaraq 2,2 milyon ton təşkil edib.

Altınkol-Xorqos keçidi vasitəsilə artım daha əhəmiyyətli – 37 faiz olub ki, bu da daşınan yüklərin həcmini 1,2 milyon tona çatdırmağa imkan verib.