Qazla işləyən “Cobalt” taksilər saatlarla növbədə qaldı - Nə baş verir? - VİDEO

Bakıda qazdoldurma məntəqələrində növbə yaranıb.

Avtosfer.az-a göndərilən video Babək prospektindəki “Azpetrol” yanacaqdoldurma məntəqəsində çəkilib. Məlum olub ki, günorta saatlarında qeydə alınan bu görüntülərdəki taksilər səhər saatlarından növbəyə durublar. Qazdoldurma məntəqələrində yaranan çətinlik sürücüləri saatlarla növbə gözləməyə məcbur edib. 

Əldə etdiyimiz məlumata görə, "Chevrolet Cobalt" markalı avtomobillər Hacıqabulda istehsal olunur, daha çox sahibkarlar tərəfindən alınaraq taksiyə cəlb edilir. Lakin benzinlə taksi işlətmək sərf etmədiyi üçün, sonradan qaz mühərriki quraşdırılır və bu maşınlar hazırda qazla işləyir. 

Bu gün səhər saatlarında yaranan çətinliyə görə təxminən 200-dən çox avtomobil növbədə gözləyib. Günortaya qədər 100-dən çox avtomobilə qaz vurulub, bir qismi isə növbə gözləyir. Bu o deməkdir ki, bir sürücü təxminən məntəqədə 2-3 saat vaxt itirib. 

Qazdoldurma məntəqələrində yaranmış problemin səbəbi hələ məlum deyil.

Könül Rauf