Qırmızı dənizdə İsrail gəmiləri üçün tam qadağa: Husilərdən SƏRT BƏYANAT

Yəmənin "Ənsar Allah" (husilər) üsyançı hərəkatı Təl-Əviv yaxınlığındakı hədəflərə raket zərbəsi endirib və Qırmızı dəniz akvatoriyasından İsrail gəmilərinin keçidinə tam şəkildə qadağa qoyulduğunu bəyan edib.

Avtosfer.az-ın TASS-a istinadən xəbərinə görə, bu barədə radikalların yaratdığı silahlı qüvvələrin bəyanatında məlumat verilib.

"Yəmən silahlı qüvvələri işğal olunmuş Yaffo ərazisində (Tel-Əviv nəzərdə tutulur - red.) İsrailin mühüm nöqtələrinə raketlər atıb və hədəflər dəqiq vurulub", - deyə açıqlamada bildirilib.

Husilər həmçinin Qırmızı dənizdə İsrail üçün dəniz gəmiçiliyinə tam və mütləq şəkildə qadağa tətbiq edildiyini elan ediblər.

"Bu bəyanatın dərc olunduğu andan etibarən düşmənin bütün hərəkətləri bizim silahlı qüvvələrimiz üçün hərbi hədəfə çevrilir", - deyə radikallar qeyd ediblər.