"Qırmızı Körpü" sərhəd-keçid məntəqəsində nə baş verir? - VİDEO

Gürcüstanla Azərbaycan arasındakı "Qırmızı Körpü" sərhəd-keçid məntəqəsində Gürcüstandan Azərbaycana keçməyi gözləyən yük avtomobillərinin uzun növbəsi yaranıb.

Sürücülərin sözlərinə görə, onlar günlərdir yoldadırlar və sərhədi keçmək üçün hələ ən azı 4-5 gün gözləməli olacaqlar.

Avtosfer.az xəbər verir ki, bu barədə Baku TV-nin videomaterialında deyilir.

Yaranmış vəziyyət TIR sürücüləri üçün ciddi çətinliklər yaradıb. Sürücülər mövcud vəziyyətlə bağlı jurnalistlərə açıqlama veriblər.

Sürücülərdən biri bildirib:

"Burada böyük növbədə qalmışıq. Avtomobillərimizə Türkiyədən toyuq əti yüklənib. Sənədlərimiz var, yanacağımız da bitmək üzrədir. İrəli hərəkət etmək istədikdə polis bizi geri qaytardı, sənədlərimizə də baxılmadı".