“Quska” üçün son cəhd

6 illik həbsdən sonra yeni ittihamla 9 il əlavə həbsə məhkum edilən keçmiş deputat Hüseyn Abdullayev Ali Məhkəməyə müraciət edib.

Avtosfer.az qafqazinfo-ya istinadən xəbər verir ki, “Quska” yüksək instansiyadan bəraət istəyir.

Kassasiya şikayətinə baxılan gün Hüseyn Abdullayev haqda son qərar veriləcək. Hələlik iclas vaxtı bilinmir.

Xatırladaq ki, “Quska” 2024-cü ildə cəza müddətinin başa çatmasına az qalmış yeni müəyyən edilmiş faktlarla təkrar cinayət məsuliyyətinə cəlb edilib. O, Bakı Ağır Cinayətlər Məhkəməsinin hökmünə əsasən, cinayət yolu ilə qazanılmış pulların leqallaşdırılmasında təqsirli bilinərək 9 il müddətinə azadlıqdan məhrum edilib. Apellyasiya Məhkəməsi hökmü dəyişməyib.