Rəqqasə Fatimənin yeniyetmə oğlu maşın sürdü; tənqiddən sonra görüntüləri sildi - VİDEO

Fatimə Fətəliyeva sosial şəbəkədə paylaşdığı video ilə müzakirələrə səbəb olub.

Avtosfer.az "Yeni Sabah"a istinadən xəbər verir ki, rəqqasə 18 yaşı tamam olmayan, yəni sürücülük vəsiqəsi olmayan oğlu Hüseynin avtomobili idarə etdiyi anları izləyiciləri ilə bölüşüb.

Kadrlarda 15 yaşlı Hüseynin sükan arxasında olduğu, bacısı Aydanın isə ön sərnişin oturacağında əyləşdiyi görünür. Görüntüləri Fatimə Fətəliyeva avtomobilin arxa oturacağından lentə alıb. 

Rəqqasənin 2 övladı var: Aydan 1995-ci ildə anadan olub, ailə qurub. Hüseyn isə 2011-ci il təvəllüdlüdür.

Tənqidlərdən sonra rəqqasə Fatimə paylaşdığı görüntüləri sosial şəbəkə hesabından silib.