Rusiya bu ölkədən benzin idxalına başladı

Rusiya Mərakeşdən idxal edilən təxminən 30.000 ton Aİ-92 benzini dəniz yolu ilə alıb.

Avtosfer.az xəbər verir ki, bu barədə "Reuters" agentli məlumat yayıb. 

Məlumata görə, iyulun ortalarında Panama bayrağı altında üzən tanker Mərakeşin Tanjer limanında yanacaq yükləyib və hazırda Arktikanın Murmansk limanında boşaldılır. "Reuters" mənbələri dəqiqləşdirib ki, yanacağı "Lukoil" təchiz edib.

Agentlik qeyd edir ki, Mərakeş benzini artıq Sankt-Peterburq Əmtəə Birjasında satışa çıxarılıb. Alıcılara Kola stansiyasından (Murmansk limanı) dəmir yolu ilə gətirilən Aİ-92 benzini təklif olunur.

Mərakeş, Ukraynanın neft emalı zavodlarına etdiyi hücumlardan sonra Rusiyanın benzin almağa başladığı üçüncü ölkə olub və bu, ölkənin yanacaq istehsalını son iyirmi ilin ən aşağı səviyyəsinə endirib.