Rusiyalı məmurdan qəribə təklif: Moskvada şəxsi avtomobilini sürmək pullu olacaq?

Rusiya paytaxtı Moskvada şəxsi avtomobil sürmək pullu xidmətə çevrilə bilər.

Avtosfer.az-ın Gazeta.ru-ya istinadən xəbərinə görə, Rusiya Federasiyası Nəqliyyat Nazirliyi yanında İctimai Şuranın üzvü Mixail Blinkin belə bir təkliflə çıxış edib.

O, yollarda tıxac probleminin bu yolla həll edilməsini təklif edib.

"Mənim hər kilometrimi çox asanlıqla hesablamaq olar. Tutaq ki, mən müəyyən məsafə qət etmişəm və buna görə də mənə elektrik enerjisindən istifadəyə görə yazıldığı kimi, hesab yazacaqlar", - deyə o, fikrini ifadə edib.

Mixail Blinkin, həmçinin qeyd edib ki, eyni zamanda, tarif günün vaxtından və yolda nəqliyyatın sıxlığından asılı olacaq. Onun sözlərinə görə, belə bir tədbir artıq indi tətbiq oluna bilər.