Sağlamlığa və əmlaka dəyən zərərlər ödəniləcək

Qaz təchizatı ilə bağlı insanların sağlamlığına və əmlakına dəyən zərər ödəniləcək.

Avtosfer.az xəbər verir ki, bu, Prezident İlham Əliyevin imzaladığı “Qaz təchizatı haqqında” Qanunda öz əksini tapıb.

Belə ki, qaz təchizatı subyektinin təqsiri üzündən insanların həyatına, sağlamlığına, əmlakına və ətraf mühitə dəymiş zərər həmin zərəri vuran qaz təchizatı subyekti tərəfindən tam aradan qaldırılmalı və ya dəymiş zərərin əvəzi tam ödənilməlidir.

Qanuna əsasən, insanların həyatına, sağlamlığına, əmlakına və ətraf mühitə zərər vurulana qədər mövcud vəziyyətin tam bərpası mümkün olmadıqda, dəymiş zərərin əvəzi Azərbaycanın mülki qanunvericiliyinə uyğun olaraq ödənilir.