Saray qəsəbəsində bərbad vəziyyətdə olan yolla bağlı AÇIQLAMA - VİDEO

Saray qəsəbəsi, Mübariz Ziyadov küçəsində bərbad vəziyyətdə olan avtomobil yolunun abadlaşdırılması bələdiyyənin gələn il üçün nəzərdə tutulan tədbirlər planına daxil edilib.

Avtosfer.az xəbər verir ki, bu barədə oxu.az-a Abşeron Rayon İcra Hakimiyyətinin Mətbuat Xidmətindən açıqlama verilib.

Qurumdan bildirilib ki, yolun il ərzində abadlaşdırılması nəzərdə tutulub.

***

Abşeron rayonu, Saray qəsəbəsi, Mübariz Ziyadov küçəsi bərbad vəziyyətdədir.

Avtosfer.az oxu.az-a istinadən xəbər verir ki, daxil olan müraciətdə bildirilib ki, yolun çökək və yararsız vəziyyətdə olması yağışlı havada gölməçələrin yaranmasına səbəb olur.

Sakinlər qeyd edirlər ki, mövcud vəziyyət həm avtomobillərə ziyan vurur, həm də piyadaların hərəkətini çətinləşdirir.

Qeyd edək ki, məsələ ilə bağlı aidiyyəti quruma informasiya sorğusu ünvanlanıb.