Şəhid ailələrinə, qazilərə verilən mənzil və avtomobillərin sayı açıqlandı

Vətən Müharibəsində şəhid olan şəxslərin ailə üzvlərinə, həmçinin əlilliyi olan şəxslərə verilən evlərin sayı açıqlanıb.

Avtosfer.az oxu.az-a istinadən xəbər verir ki, bu barədə Sosial Xidmətlər Agentliyinin İdarə Heyətinin sədri Vüqar Behbudov DOST TV-nin efirində çıxışı zamanı məlumat verib.

O bildirib ki, post-müharibə dövründə qeyd olunan kateqoriyaya aid 7000-dən çox şəxs mənzillərlə təmin olunub:

"Ümumilikdə bu günə qədər 16000-dən çox şəxsə mənzil verilib. Agentlik həmçinin müharibə əlillərinə avtomobillərin verilməsini təmin edir. Post-müharibə dövründə 567, ümumilikdə isə bu günə qədər 7000-dən çox şəxsə avtomobil verilib".