"Sənədsiz evlər qlobal problemdir" - Deputat

Milli Məclisin Regional məsələlər komitəsinin iclasında deputat Arzuxan Əlizadə sənədsiz yaşayış evləri məsələsinə toxunub.

Avtosfer.az-ın məlumatına görə, o qeyd edib ki, bu problem yalnız Azərbaycana xas deyil və xüsusilə Bakı və ətraf ərazilərdə yüz minlərlə sənədsiz ev mövcuddur, eyni vəziyyət regionlarda da müşahidə olunur.

Deputatın sözlərinə görə, sənədsiz evlərin mövcudluğu hələ də ciddi problem olaraq qalır. O vurğulayıb ki, bu evlərin hüquqi baxımdan rəsmiləşdirilməsi həm problemin həllinə töhfə verər, həm də dövlət büdcəsinə əlavə maliyyə vəsaitinin daxil olmasına imkan yaradar.

Könül