Su anbarında elektrik cihazı ilə qanunsuz balıq ovlayan şəxslər saxlanıldılar

Su Nəqliyyatında Polis İdarəsinin əməkdaşları tərəfindən xidməti ərazidə qanun pozuntularının aşkarlanması istiqamətində tədbirlər davam etdirilir.

Avtosfer.az xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupundan məlumat verilib

Bildirilib ki, Su Polisi İdarəsinin Şəmkir Xətt Polis Məntəqəsinin və 2 saylı Regional Ekologiya və Təbii Sərvətlər İdarəsinin əməkdaşları tərəfindən Şəmkir Su Anbarında birgə keçirilən növbəti tədbir zamanı qanunsuz olaraq balıq ovu ilə məşğul olan Ə.Ağaməmmədov və C.Əliyev saxlanılıb. Onlardan rezin qayıq, tor, "domça" adlandırılan balıqovlama aləti, 1 ədəd enerji bloku, cərəyan artıran cihaz, qanunsuz ovladığı balıqlar və digər əşyalar aşkarlanıb.

Faktla bağlı araşdırmalar davam etdirilir.