Sualtı kabelə zərər vurmaqda şübhəli bilinən gəmini həbs edib

İsveçdə Baltik dənizində "Latviya Dövlət Radio və Televiziya Mərkəzi" (LVRTC) şirkətinin sualtı kabelinin zədələnməsi ilə əlaqədar təxribatda ittiham olunan gəmi barəsində istintaq başlanıb.

Avtosfer.az xəbər verir ki, bu barədə İsveç Prokurorluğu xəbər yayıb.

Bildirilir ki, təxribatda şübhəli bilinən gəmi prokurorluğun qərarı ilə həbs edilib.

"Hazırda bir sıra konkret istintaq tədbirləri həyata keçiririk. Araşdırmada polis milli əməliyyat departamenti, sahil mühafizəsi və İsveç Silahlı Qüvvələri iştirak edir", - deyə qurumdan bildirilib.

Məlumatda qeyd olunub ki, hadisənin araşdırılması əlaqəli və intensiv şəkildə aparılır.

(oxu.az)