Sumqayıt Dəmiryol Vağzalında da “Kitab Dayanacağı” istifadəyə verildi - FOTO

Sərnişinlərin gözləmə və səfər vaxtını daha maraqlı və faydalı edən “Kitab Dayanacağı” Bakı və Gəncədən sonra Sumqayıt Dəmiryol Vağzalında da istifadəyə verildi.

Avtosfer.az xəbər verir ki, bu barədə “Azərbaycan Dəmir Yolları” QSC (ADY) məlumat yayıb.

Bildirilib ki, indi Sumqayıtdan başlayan səfərləri kitabların rəngarəng dünyası müşayiət edəcək.

“Qatarınızı gözləyərkən sevdiyiniz kitabı seçin, mütaliənin zövqünü səfər boyu yaşayın!

Yolunuz Sumqayıta düşəndə, “Kitab Dayanacağı”na baş çəkin və səfərinizə mütaliə zövqü qatın!” – deyə qeyd edilib.