Şuşada maşın minaya düşdü: Xəsarət alan var

Şuşa rayonunun Cəmillər kəndi ərazisində mina partlayışı hadisəsi baş verib.

Avtosfer.az xəbər verir ki, bu barədə Daxili İşlər Nazirliyi, Baş Prokurorluq və ANAMA-nın mətbuat xidmətləri birgə məlumat yayıb.

Bildirilib ki, 1979-cu il təvəllüdlü Bakı şəhər sakini Bəxtiyar Bayramov keçmiş təmas xəttində minalardan təmizlənməmiş ərazidə idarə etdiyi avtomobillə tank əleyhinə minaya düşüb.

Hadisə nəticəsində Bəxtiyar Bayramov müxtəlif dərəcəli bədən xəsarətləri alıb.

Faktla bağlı Şuşa rayon prokurorluğunda araşdırma aparılır.

Aidiyyəti qurumlar vətəndaşları mina təhlükəsi olan ərazilərə daxil olmamağa, xəbərdarlıq nişanlarına diqqət yetirməyə və şübhəli əşyalara toxunmamağa çağırıb.