Susay Qışlaq kəndinin həll edilməyən problemləri: İşıqsız, yolsuz qalan sakinlər çətin durumda - VİDEO

Qubanın Susay Qışlaq kəndinin yolları bərbad halda, işıq dirəkləri isə təhlükəli vəziyyətdədir.

Sakinlərin sözlərinə görə, qışda palçıq, yayda isə toz-torpaq səbəbindən bu ərazidən keçmək olmur.

"Taksi sifariş edirik, gəlmir, avtobus işləmir. Uşaqlar məktəbə gedəndə palçığa batırlar. Bir kilometr uzunluğu olan yola asfalt vurmaq nə böyük işdir ki?!" - deyə sakinlər narazılıq bildiriblər.

Vətəndaşların digər problemi isə elektrik enerjisi ilə bağlıdır.

Sakinlər deyirlər ki, kənddə günlərlə, bəzən həftələrlə işıq olmur. Bununla yanaşı, demək olar ki, bütün işıq dirəkləri aşma təhlükəsi ilə üz-üzədir.

Daha ətraflı Baku TV-nin süjetində: