Tehran-Məşhəd dəmiryolu xətti də vurulub

Tehran ilə Məşhəd arasında sərnişin qatarlarının hərəkəti dayandırılıb.

Avtosfer.az xəbər verir ki, bu barədə “Tasnim” agentliyi məlumat yayıb.

Bu, ABŞ-nin İran ərazisinə gecə saatlarında endirdiyi zərbələrdən sonra baş verib. Belə ki, zərbələr nəticəsində Tehran-Məşhəd dəmiryolu xətti zədələnib.

Bildirilir ki, hadisə yerinə təmir briqadaları göndərilib və onlar dəmir yolu xəttinin bərpasına başlayıblar.

Hakimiyyət orqanları sərnişinlərin hərəkəti üçün alternativ marşrut hazırlayıb. Yeni marşruta əsasən zədələnmiş hissədə sərnişinlərin daşınması avtomobil nəqliyyatı ilə həyata keçiriləcək.

Qeyd edək ki, bu gün İranın mərhum Ali Lideri Ayətullah Seyid Əli Xameneinin Məşhəd şəhərində torpağa tapşırılması planlaşdırılır.