Traktorların satışı və ehtiyat hissələrinin idxalı 6 il müddətinə ƏDV-dən azad olunacaq

Traktorların satışı və ehtiyat hissələrinin idxalı 2027-ci il yanvarın 1-dən 6 il müddətinə əlavə dəyər vergisindən (ƏDV) azad olunacaq.

Avtosfer.az xəbər verir ki, bu, Vergi Məcəlləsinə təklif olunan dəyişiklikdə əksini tapıb.

Layihəyə əsasən, kənd təsərrüfatı təyinatlı traktor istehsalının lokallaşdırılması və yerli istehsalın dəstəklənməsi məqsədilə kənd təsərrüfatı təyinatlı traktorların satışının və onların ehtiyat hissələrinin idxalının 2027-ci il yanvarın 1-dən 6 il müddətinə ƏDV-dən, o cümlədən "Gömrük tarifi haqqında" qanuna təklif olunan dəyişikliyə əsasən, kənd təsərrüfatı təyinatlı traktorların ehtiyat hissələrinin idxalının İqtisadiyyat Nazirliyinin təsdiqedici sənədi əsasında 2027-ci il yanvarın 1-dən 6 il müddətinə gömrük rüsumundan azad olunması təklif edilir.