Üç minə qədər gəmi Hörmüz boğazından keçə bilmir

Üç minə qədər gəmi Hörmüz boğazından keçə bilmir. Avtosfer.az "Report"a istinadən xəbər verir ki, bu məlumatı "Al Jazerra" yayıb. "2000-dən 3000-ə qədər gəmi Hörmüz boğazının arxasında qalıb və keçə bilmir", - məlumatda qeyd olunub. "Lloyd's List"in məlumatlarına əsasən, martın 1-dən bəri Hörmüz boğazında dəniz hərəkəti 94 faiz azalıb: "Gündəlik təxminən 100 gəmi keçirdi, lakin indi İran tərəfindən müəyyən edilmiş marşrutlarla yalnız bir neçə gəmi hərəkət edir".

Xatırladaq ki, fevralın 28-də ABŞ və İsrail İrana qarşı birgə hərbi əməliyyata başlayıb. İranın Ali rəhbəri Əli Xamenei və bir neçə vəzifəli şəxs öldürülüb. Buna cavab olaraq İran İsrail ərazisinə raket zərbələri endirib, ABŞ-nin Fars körfəzi ölkələrindəki hərbi bazalarını hədəf alıb. Hörmüz boğazı isə ABŞ, İsrail və bu ölkələrin müttəfiqləri üçün bloklanıb.