Ukrayna PUA-larla Rusiyaya hücum etdi

Fevralın 3-nə keçən gecə Volqoqrad Ukrayna Silahlı Qüvvələrinin (AFU ) pilotsuz uçuş aparatları (PUA) tərəfindən irimiqyaslı hücuma məruz qalıb. 

Avtosfer.az xəbər verir ki, bu barədə Rusiya mətbuatı məlumat dərc edib. 

"Volqoqradda Ukrayna pilotsuz təyyarələrinin hücumu zamanı ən azı 50 partlayış baş verib", - KİV yazıb. 

Bildirilir ki, Krasnoarmeyski və Sovetski rayonlarında silsilə güclü partlayışlar olub. İlkin məlumatlara görə, hava hücumundan müdafiə sistemləri hücumu uğurla dəf edərək, ən azı yeddi-səkkiz pilotsuz təyyarəni vurub, onların əksəriyyəti yerli neft emalı zavodunun ərazisində məhv edilib. Məlumatına görə, neft emalı zavodu “Lukoyl”a məxsusdur.