Venesuela sahillərində tanker ələ keçirildi

ABŞ-nin Venesuela Prezidenti Nikolas Maduroya qarşı təzyiq kampaniyası çərçivəsində bu ölkənin sahillərində bir tanker ələ keçirib.

Avtosfer.az xəbər verir ki, bu barədə "Bloomberg" mənbələrinə istinadən məlumat yayıb.

Nəşrin məlumatına görə, Maduronu neft gəlirlərindən uzaqlaşdırmaq və istefa verməyə məcbur etmək məqsədi ilə belə addımlar atılır.

ABŞ daha əvvəl xam neft daşıyan bir neçə tankerə sanksiyalar tətbiq edib.

Prosesi izləyən mənbələrin bildirdiyinə görə, Maduronun yaxın ətrafı ABŞ-nin sanksiya tətbiq edilən digər gəmiləri ələ keçirə biləcəyi ssenarisinə uyğunlaşmağın yollarını axtarır. Xüsusilə, dövlətə məxsus "Petroleos de Venezuela SA" şirkətinin rəhbərliyi Venesula neftinin böyük hissəsini alan Çinə məhsulun təhlükəsiz şəkildə necə ixrac ediləcəyini müəyyən etməyə çalışırlar.