"Volkswagen" zavodlarında istehsalı azaldacaq

Elektromobillərə tələbatın az olması səbəbindən avtomobil istehsalçısı "Volkswagen" Almaniyanın bir neçə zavodunda istehsalı azaltmaq qərarına gəlib.

Avtosfer.az xəbər verir ki, bu barədə "DPA" agentliyi məlumat yayıb.

Qeyd edilib ki, şirkətin Zvikau və Drezdendəki zavodlarında istehsal oktyabrın 6-dan başlayaraq bir həftə müddətinə dayandırılacaq. Sənaye gözlənildiyindən daha yavaş inkişaf etdiyi üçün Saksoniya zavodu təzyiq altındadır. Bundan başqa, planlaşdırılan gücü ilə işləməyən Emden zavodunda da bağlanma təhlükəsi var.

Bundan əlavə, Hannoverdə istehsal oktyabr ayında beş gün dayandırılacaq. (İqtisadiyyat.az)