Yaşayış binasının həyətində tapılan iynələrlə bağlı naryadlar təşkil olundu - VİDEO - YENİLƏNİB

Yasamal Rayon İcra Hakimiyyəti tərəfindən həyətlərdən birində aparılan abadlıq işləri zamanı aşkar edilən iynələrlə bağlı vəziyyət sakinləri ciddi narahat etməyə başlayıb.

DİN-dən Avtosfer.az-a verilən məlumata görə, qeyd edilən ünvanda polis əməkdaşları tərəfindən narkotiklərə qarşı nəzarət-profilaktik tədbirlər mütəmadi olaraq aparılır.

Narkotiklərin qanunsuz dövriyyəsinin qarşısını almaq üçün adıçəkilən ünvanlarda polis naryadları tərəfindən xidmət təşkil olunub.

***

Yasamal rayon sakinləri həyətdə öz vəsaitləri hesabına qurduqları istirahət meydançasının sökülməsindən narazılıq edirlər.

Onlar bildirirlər ki, binanın düz qarşısında idman kompleksinə məxsus havalandırma sistemi quraşdırılıb:

"Düz meydançanın ortasında yerləşdirilib. Dərinliyinə fikir verin, bu təhlükəlidir. Qonşulardan toplanan pulla işıqlandırma sistemi quraşdırmışdıq. İndi görürük ki, hamısını söküblər. Qaranlıq və sakit olduğu üçün narkomanlar gəlirlər, iynələr tapırıq", - deyə sakinlərdən biri bildirib.

Məsələ ilə bağlı idman kompleksinə məxsus MMC-nin direktoru açıqlamasında bildirib ki, havalandırma sistemi ilə bina arasında 25-30 metr məsafə var.

Şirkətin hüquqşünası Mehman Muradlı isə qeyd edib ki, həmin ərazidə park və istirahət guşəsinin salınması nəzərdə tutulmayıb. Onun sözlərinə görə, Yasamal Rayon İcra Hakimiyyətinin razılığı əsasında həmin sahədə abadlıq işləri aparılacaq.

Ətraflı Baku TV-nin süjetində: