Yaşayış olmayan yerdə metro inşaatı: israf, yoxsa uzaqgörənlik?

Bir neçə il əvvələ qayıdaq: Metronun Dərnəgül stansiyası təzə açıldıqda çoxları sərnişin azlığını tənqid edirdi. Hətta belə iddia səsləndirənlər də vardı ki, dövlətin pulu boş yerə sərf olunub, stansiyada sərnişin axını seyrək olacaq və s. 

Avtosfer.az xəbər verir ki, 2000-ci illərin əvvəllərində Çinin böyük şəhərlərinin kənarlarında, yaşayış olmayan ərazilərdə onlarla metro stansiyasının tikintisinə start verildi. Pekin Olimpiadasına hazırlıq çərçivəsində infrastruktura 40 milyard dollar vəsait ayrıldı. Bu vəsaitin əksər hissəsi metro tikintisinə yönəldi.

Layihə Çindən daha çox ölkə xaricində müzakirə mövzusu oldu. Hamını bir sual maraqlandırırdı: çölün ortasında metro stansiyası nəyə lazımdır?
Sən demə, Konfutsinin nəticələrinin fəlsəfəsi tam baqaşdır, sadəcə olaraq dünya onları anlamağa çətinlik çəkir. Məsələ burasındadır ki, çinlilərin yanaşması fərqlidir: əvvəl infrastruktur, sonra məskunlaşma. Avropa və digər ölkələrin təcrübəsindən görünür ki, sıx məskunlaşmış ərazidə infrastruktur, xüsusən də nəqliyyat sistemi qurmaq çox çətindir. Boş ərazidə isə planlama daha asandır. 
Çində kabus stansiyaların ətrafı bir neçə il ərzində doldu və uzaqgörən planlama özünü doğrultdu.

Vüqar