Yüklü miqdarda narkotik vasitə aşkarlandı

Polis əməkdaşlarının keçirdikləri əməliyyat tədbirləri ilə yanvarın 11-də və 12-də ümumi çəkisi 62,6 kiloqramdan artıq narkotik vasitə aşkar olunaraq götürülüb.

Avtosfer.az xəbər verir ki, bu məlumatı DİN mətbuat xidməti yayıb. 

Məlumata görə, qanunsuz dövriyyədən çıxarılan narkotik vasitələr 2,3 kiloqrama yaxın heroin, 49,5 kiloqrama yaxın marixuana, 1,5 kiloqramdan çox metamfetamin, 7,3 kiloqramdan çox tiryət, 2 kiloqrama yaxın həşiş, həmçinin 300 ədəd metadon həbindən ibarət olub.

Bu istiqamətdə qətiyyətli mübarizə tədbirləri davam etdirilir.