Zelenskinin təyyarəsini PUA-lar müşayiət etdi

Ukrayna prezidenti Volodimir Zelenskinin təyyarəsini İrlandiyada naməlum pilotsuz təyyarələr izləyib.

Avtosfer.az xarici KİV-ə istinadən xəbər verir ki, bu  barədə Ukrayna prezident aparatının sözçüsü Dmitri Litvin məlumat yayıb. 

"Təhlükəsizliyə ev sahibliyi edən ölkə cavabdehdir. Onların məlumatına görə, belə dronlar həqiqətən də mövcud olub", - o deyib.

Litvinin sözlərinə görə, bu insident Ukrayna liderinin İrlandiyaya səfər proqramına yenidən baxılmasına səbəb olmayıb.

Bir gün əvvəl İrlandiyanın “Journal” nəşri təhlükəsizlik orqanlarındakı mənbələrə istinadən yazıb ki, Zelenskinin təyyarəsini dörd naməlum dron müşayiət edib.