Zoonoz xəstəliklərə qarşı mübarizəyə dair Milli Strategiya hazırlanacaq

Azərbaycanda zoonoz xəstəliklərə qarşı mübarizə tədbirlərinə dair Milli Strategiya hazırlanacaq.

Avtosfer.az xəbər verir ki, bu, Prezident İlham Əliyevin təsdiqlədiyi "Qida təhlükəsizliyinin təmin edilməsinə dair 2027−2032-ci illər üçün Dövlət Proqramı"nda öz əksini tapıb.

Sənədə əsasən, Milli Strategiyanın hazırlanması Qida Təhlükəsizliyi Agentliyi, Səhiyyə Nazirliyi, Kənd Təsərrüfatı Nazirliyi, Ekologiya və Təbii Sərvətlər Nazirliyi, İqtisadiyyat Nazirliyinə tapşırılıb.

Strategiyanın insanlar və heyvanlar arasında zoonoz xəstəliklərin səbəb olduğu sağlamlıq risklərinin azaldılması, bununla əlaqədar xəstəlik və ölüm hallarının azalmasına xidmət edəcəyi vurğulanıb.