Aeroport yolunda yük avtomobili TƏHLÜKƏ SAÇDI - VİDEO - YENİLƏNİB

"Aeroport yolunda çəkilən sözügedən görüntü ilə bağlı araşdırma aparılır".

Avtosfer.az xəbər verir ki, bu məlumat Oxu.Az-ın sorğusuna cavab olaraq Bakı Şəhər Dövlət Yol Polisi İdarəsindən (BŞDYPİ) verilib.

"Qaydaları pozan yük avtomobilinin sürücüsü müəyyən edilərək barəsində qanunamüvafiq tədbir həyata keçiriləcək", - deyə məlumatda bildirilib.

***

Aeroport yolunda iriqabaritli nəqliyyat vasitəsinin sürücüsünün yol hərəkəti qaydalarını kobud şəkildə pozaraq yüksək sürətlə və təhlükəli manevrlərlə hərəkət etməsi narazılığa səbəb olub.

Avtosfer.az xəbər verir ki, bu barədə Oxu.Az-ın qaynar xəttinə şikayət daxil olub.

Şikayətçi bildirib ki, hadisə sentyabrın 27-də saat 21:58-də baş verib. Belə ki, sürücü "Shacman" markalı, 08-ZB-503 dövlət nömrə nişanlı nəqliyyat vasitəsini saatda təxminən 130 kilometr sürətlə idarə edib. Bundan əlavə, yük avtomobilinin sürücüsünün hərəkət zamanı zolaqları qısa məsafədə və yüksək sürətlə dəyişməsi digər sürücülər üçün ciddi təhlükə yaradıb.

Şikayətçi aidiyyəti qurumların məsələyə diqqət yetirməsini və yolda təhlükəli hərəkət edən nəqliyyat vasitələri ilə bağlı nəzarətin gücləndirilməsini xahiş edib.

Məsələ ilə bağlı aidiyyəti üzrə sorğu verilib.