Avtobus zolağına keçmək istəyən sürücü avtomobillərə təhlükə yaratdı - VİDEO

Paytaxtda qayda pozan avtobus sürücüsü avtomobilin kamerasına düşüb.

Avtosfer.az-ın məlumatına görə, hadisə avqustun 19-da saat 14:08 radələrində Böyükşor bulvarından Sabunçu istiqamətinə gedən yolda qeydə alınıb.

Belə ki, “BakuBus” MMC-yə məxsus 217 nömrəli müntəzəm marşrut xətti üzrə hərəkət edən 77-JF-059 dövlət nömrə nişanlı “BYD” markalı avtobusun sürücüsü manevr qaydalarını pozub.

Kadrlardan görünür ki, sürücü avtobus zolağına keçmək üçün əvvəlcədən müvafiq zolaqda düzgün mövqe tutmayıb. O, hərəkətdə olduğu zolaqdan birbaşa avtobus zolağına keçməyə cəhd edərkən əvvəlcə görüntünü qeydə alan avtomobili sıxışdıraraq ona təhlükə yaradıb. Ardınca manevrini davam etdirən sürücü digər hərəkət iştirakçısı üçün də qəza şəraiti yaradıb.

Üstəlik, avtobus zolağına 1.11 nişanlanma xəttini keçməklə daxil olub.

Qeyd edək ki, belə manevr zamanı sürücü əvvəlcədən avtobus zolağına keçməyə imkan verən zolaqda düzgün mövqe tutmalı və manevri digər hərəkət iştirakçıları üçün təhlükə yaratmadan həyata keçirməlidir.

Nərmin