"Bakuelectronics" səkini zəbt edib özünə pilləkən tikdi - SAKİNLƏRDƏN ŞİKAYƏT - VİDEO

Xırdalan şəhərində sakinlər səkinin zəbt olunması ilə bağlı narazılıqlarını bildiriblər.

Avtosfer.az xəbər verir ki, “Bakuelectronics” mağazasının Heydər Əliyev prospektində yerləşəcək yeni filialında təmir işləri aparılır. Mağazanın həm sağ, həm də sol tərəfində pilləkənlər mövcud olsa da, əlavə ön tərəfdə iri ölçülü pilləkənlərin inşa edildiyi müşahidə olunur.

Videodan aydın görünür ki, quraşdırılan pilləkənlər səkinin bir hissəsini zəbt edir və piyadaların hərəkət imkanlarını məhdudlaşdırır.

Bununla yanaşı, ərazidə park edilmiş avtomobillər də səkinin bir hissəsini tutaraq piyadaların hərəkətinə maneə yaradır. Nəticədə həmin ərazidən keçən piyadalar məcburən yolun hərəkət hissəsindən istifadə etməli olurlar.

Sakinlər aidiyyəti qurumların məsələ ilə bağlı tədbir görməsini və piyadaların təhlükəsiz hərəkəti üçün səkinin tam şəkildə əlçatan olmasını istəyirlər.

Fərid