Belə məsuliyyətsizlik edən piyadaların bir gün ölüm xəbəri gəlir - VİDEO

Yol nəqliyyat hadisələrində avtomobillərin toqquşması ilə yanaşı piyadavurma halları da baş verir. Bu cür qəzaların səbəbi bəzən sürücülər, bəzən isə piyadaların məsuliyyətsizliyi olur. Əksər hallarda piyadalar yolu müəyyən olunmayan yerdən keçən zaman avtomobil tərəfindən vurulurlar. Avtosfer.az xəbər verir ki, özünü təhlükəyə atan piyadalardan birinin videosu kameraya düşüb. Hadisə paytaxtın Mikayıl Müşfiq küçəsində qeydə alınıb.

Belə ki, piyada ayırıcı zolağın üzərindən keçərək hərəkət edib. Bu zaman orta zolaqdakı avtomobilin önündən qəfil çıxaraq görüntünü qeydə alan sürücünün qarşısına keçib. Sürücülər dayanaraq onun keçib-getməsini gözləyiblər. Bəzən sürücünün də intizamsızlığı belə hadisələrin facilə ilə nəticələnməsinə səbəb olur.

Ona görə də piyadalara tövsiyə edirik ki, yolu yalnız müəyyən olunmuş yerlərdən keçsinlər. Ani bir diqqətsizlik, məsuliyyətsizlik insanın ömrünü yarıda qoya bilər.

Fərid