Bibiheybət yolunda sürücülər cərimələnir: Səbəb budur - FOTO

Son günlər Bakıda sürücülər qayda pozuntusu törətdikləri üçün kamera vasitəsilə cərimələnirlər. Avtosfer.az xəbər verir ki, söhbət paytaxtın Bibiheybət yolundan gedir. Belə ki, sürücülər "SOCAR" yanacaqdoldurma məntəqəsinin yanındakı yolayrıcında ən sol zolaqdan geriyə dönən zaman kamera vasitəsilə cərimələnirlər. Həmin zolaqdan geriyə dönməyin qanuni olduğunu bildirən sürücülər yazılan cərimələrdən narazıdırlar.

Qanunvericiliyə görə, geriyə dönməni qadağan edən nişan yoxdursa hərəkətin sola təşkil olunduğu ən sol zolaqdan geriyə dönməyə icazə verilir.

Lakin müşahidələr göstərir ki, cərimələnən sürücülərin bir qismi geriyə dönmə manevrini yolayrıcına daxil olmadan qoşa xətti kəsərək və ya piyada keçidinin üzərindən həyata keçirir. Bu isə yol hərəkəti qaydalarının pozulması hesab olunur.

Cərimə tətbiq edilməməsi üçün sürücülər geriyə dönmə manevrini yolayrıcına daxil olduqdan sonra yerinə yetirməlidirlər.

Fərid